لسه الطريق بأوله

معلش اتأخرت عليكم شويتين….يعني وعدتكم كل يوم بس الدنيا رمضان ودوام وووووو ( بس طبعا هاد مش عذر ، بس تبريرات لحالي عشان مااحس بتأنيب الضمير)

نرجع لرحلتي الخنفشارية اللي كانت بالسعودية حكيتلكم انه كنت بالخرج وقعدت وقت طويل وانا ادور عالمكان والاشياء اللي صارت معي كلها… ثاني يوم رجعتلها عشان اكمل التدريب بس هالمرة كانت مجموعة جديدة غير اللي كانت امبارح بس اليوم كانوا أقل شوي المفروض يكونوا أكثر بس ماشاء الله عليهم لما يسمعوا انو عندهم دورة تدريبية برا مركز العمل بياخدوها فرصة كأنوا حكولهم هاي اجازة مدفوعة الاجر وماحد بيجي ( ياعمي ماحد قدهم مولودين ومعهم معلقة ذهب).

اليوم كان تدريبي أحلا هيك الو طعم تاني يمكن لانه ” بوز ” المدفع كان امبارح والتخبيص كله طلع .. فاليوم كنت مبسوطه اتعاملت مع المتدربات بكل اريحية حكينا كتير وضحكنا كتير بس المهم بهاد التدريب انه أكلوا أكترمن المفروض– اتذكروا انه لازم من تقاليد أي دورة تدريبية انه يكون في ضيافة ( رح احكيلكم كل منطقه ايش ضيفوني  لانه الواحد بيحس زي  كأنها المسابقة مين بيقدم ضيافة احسن واحلى وازكى).

ضيافة اليوم كانت شاي من جميع أنواعه ( بهيل ، نعنع ، مرمية ، حبق وزنجبيل) معجنات وسندويشات فلافل و شي كأنه كبة ( صراحة ماقربت عليها شكلها غريب)،، وأكيد القهوة السعودية والحلويات…. الكل أكل بس ياريتهم مااكلوا لانه بعد هيك بطلوا يستوعبوا !!!!!!!!:S وهنا تكمن المصيبة انه اهم جزء من التدريب كان باقي ولازم يفهموه يعني من الآخر الله يعيني عليهم…

خلصت التدريب بعد ماتم استنزاف كل قواي بسببهم من اسئلتهم اللي الها معنى واللي مابيعرف الواحد كيف بده يجاوب عليها…لحد ماجهزت اغراضي صارت الساعه 1 ونصف الظهر يعني متأخره ساعه عن الموعد هو شي عادي بس المصيبة بتستنى في خارج اسوار المدرسة اللي هو اخوي ياحرام من الصبح نايم في السيارة بيستنى اني اخلص تدريبي عشان نروح وطبعا ماكان ماكل شي ماصدق متى اني ارن عليه عشان نرجع عالرياض وكمان عشان ياكل … وانا اكلت نصيبي من البهدلة عشان التأخير ( طبعا من يوم ورايح كل مدينة بدرب فيها باكل بهدلة عالتأخير)….!!!!

ركبنا بالسيارة وقعدنا ندور على شي مطعم ناكل منه طبعا ساعة لحد ماعرفنا مكان فيه مطاعم وياريتنا ماعرفنا،،،،رح تسالوا ليش لانو كلها مطاعم (كبسة ومندي ومضغوط ومرقوق وابصر شو من اكلاتهم)…. وبعد مافقدنا الامل وحكينا بنصبر كمان ساعتين لحد مانوصل البيت الا شوي اللافتة تبعت هارديز طلعت هيك قدامنا وعرفنا انه في بالمنطقة من هاي المطاعم ،،، (لولولوليش) اخترنا واحد منهم اكلنا ورجعنا عالرياض طبعا انا كنت هلكااااااااااانة وشايفة نجوم الليل بالظهر .. شو بدي اعمل؟؟؟ شو بجي اعمل ؟؟؟؟ لازم انام بدون ما اخوي ينتبه عشان يضل مركز بالسواقة هون لمعت الفكرة اللئيمة انه ازبط قعدتي والبس نظاراتي الشمسية مارح يكتشف اني نايمه لانه مارح اتحرك

لبست النظارة وطول الطريق ماانتبه اني نايمة الا لما وصلنا الرياض من كثر الازمة بالشارع كان بين كل بريك وبريك في واحد فا أنا صحيت ومبين علي عيوني منفخة ومش عارفه انا وين صار يضحك علي وحقد بنفس الوقت اني نايمة وتاركته لحاله ( هع هع لازم تتعود من يوم وطالع اني رح انام بكل رحلة). يادوب وصلنا البيت وريحنا طبعا اللي بالبيت كانوا متحمسين بدهم يعرفوا شو صار معي وشو عملنا وكيف انطباعهم وووو… قعدناا نحكي بعدين رحت عشان اريح لانه كمان ثاني يوم في رحلة بس هالمرة مش على جنوب الرياض كان اتجاهنا شماااااال هلأ في مقولة دايما بيحكوها ( انه أهل الشمال احسن من اهل الجنوب ) أنا ما كنت اصدق هالشي الا لما جربت وشفت ناس من هون وهون رح احكيلكم عنهم بكل منطقة هلأ اكيد رح تحكولي هدول الناس كانوا كويسين معك وضيفوكي واحترموكي وكل شي تمام بس بس تشوفوا باقي المناطق رح تعرفوا الفرق.

رحلتي ثاني يوم ماكانت روحة رجعة عالبيت ،،، اضطرينا نبيت في المدينة لانه كتير تعب نروح ونرجع يومين ورا بعض وطبعا الله لا يورجيكم شو صار فينا هناك هههههه اشياء بتضحك مارح احكيها هلأ خلي الحكاوي والقصة مع المدينة اللي رح اروح عليها (اسمها المجمعة والمدينة الثانية اسمها الغــاط)  

صحيح كنت واعديتكم انه بكل مدينة في صورة عالاقل بس اكتشفت انه بالخرج انا ماصورت شي بس بباقي المدن في صور يعني بكره في صورة وبعده وبعده  

هلأ تصبحوا على خير يلااااا بكرة عندي رحلة على هالمدينة الجديدة يادوب الحق انام ساعتين  

بداية الرحلة….

كان أسبــوع جميل من شهر فبراير ، الطقس كان رائعا مقارنة بنفس هذه الفترة في بقعة أخرى من دول العالم إلا أن شهر فبراير في المملكة العربية السعودية يعتبر ربيعاً لا من أشهر الشتاء كما تعودنا…

كنت كثير متحمسة للفكرة.. سفر ، أماكن جديدة ، ناس جداد ، ثقافات ومغامرات وأشياء حلوة .. وخايفة بنفس الوقت ليش ؟؟!! لأنه أول مرة بكون شخص بيعطي محاضرات وتدريب وبيناقش وبيعلم الناس.. اتعودت أحضر مؤتمرات وأكون مستمعه، أحضر دورات تدريبية بس أكون متدربة لا مـــدربة .. بس بنفس الوقت ثقتي بنفسي كانت جداً عاااااالية ( مش غرور أبداااااا) بس كنت عارفة اني قدها وقدود مثل مابيحكوا غير هيك كان في ناس بتدعمني وواقفة معي.

موعدنا كان السبت (الثاني عشر من فبراير) تحديدا فجر السبت لأنه المسافه تقريبا شي 100 كم جنوب الرياض والمكان ماكان معروف بالنسبة النا  طبعا التجهيزات كانت من قبل بيوم : استأجرنا سيارة عشان تكون وسيلة مواصلاتنا ( طبعا السائق مش أنا ) أخوي هو المحــــــــرم اللي كان معي وسائق السيارة ( بس ماحد يسألني شو نوع السيارة) أدوات التدريب كلها كانت جاهزة من سبورة وأقلام ولاب توب وأسلاك  يعني مو باقي الا الانطلاق للمكان المحدد.

قررت أنام بكير لأنه المفروض الساعه 4 الانطلاق من البيت يومها عدا كل الايااام ماعرفت انام الا الساعه 2,30 صباحا يعني ساعتين نوم فقط.. غمضت عيوني وفجأة صارت الساعه 4 جهزت نفسي للرحلة وانطلقت باتجاه الخرج.. الجو كان بارد فجرا مع انها السعودية بس لأن الطبيعة صحراوية رح يكون الجو مثل الصحراء بالليل باردة. كل أمورنا تمام وكاسة القهوة بجانب اخي لأنه لازم يصحصح وراه طريق بما انه السائق وطبعا أنا ( مساعد السائق) كمان لازم اكون مصحصحة بالطريق. انطلقنا وشوارع الرياض خالية تماما من أي حركة عكس ماتكون عليه خلال اليوم. رويدا رويدا بدأ الظلام يزداد كلما ابتعدنا عن الرياض واقتربنا من الطريق الرئيسي الواصل بين المدينتين هناك مع ازدياد الظلام بدأت تزداد أعداد الشاحنات المتجهه لطريق الخرج لانه يوجد على هذا الطريق عددا من المصانع عشان هيك العيون كانت مفتحة عشرة على عشرة عشان الدنيا لسه ليل. ساعة ونصف مضت من الوقت تقريبا وبدأت مشارف مدينة الخرج التي قد تكون أقرب منها الى ثكنة عسكرية من مدينة حيث أنها تضم عددا من المناطق العسكرية وقد كانت تضم في عهد سابق إحدى الثكنات العسكرية الأمريكية التي استهدفت العراق في حرب الخليج عام 91 ..ز أخيرا وصلنا الخرج بس لسه المهمة ماخلصت لانه ماوصلنا للمكان المفروض أعمل فيه التدريب !!!! طبعاااااا بعد مكالمات هاتفية لأكثر من نصف ساعة لمحاولة فهم ومعرفة المكان باءت محاولاتنا بالفشل لم نعرف المكان ( المفروض التدريب يبدأ الساعه 8 ) والساعة كانت 8 إلا خمس دقائق ونحن نجوب الشوارع لمعرفة المكان، رح تحكوا اسألوا أهل المدينة ماخلينا حد إلا وسألناه ( سعودي ، هندي ، مصري ، بنغالي ) كل الجنسيات اللي بتيجي قدامنا كنا نسألهم وماحد عارف ( شكلوا المكان بقارة ثانية واحنا مابنعرف) بالأخير تكرمت علي ست الحسن والدلال وحكتلي رح ابعتلك السوووواااااااااق بس خليكي بمكان واضح ومعروف ، طبعا هي وصفتني أماكن طلعتني برا مدينة الخرج وصار بيني وبين الحدود الإماراتيه تقريبا 340 كم !!!!  

وصل السائق الخاص بالاستاذة واحنا ماشيين وراه طبعا المكان اللي وصفتني اياه بالشرق والمكان اللي رحنا عليه بالغرب وغير هيك داخل اماكن زراعية يعني لو قعدت يومين مارح اعرفه.

وصلنا المكان … نزلنا وركب أخوي السبورة وحكى للحارس لازم ادخل السبورة هون صارت المشكله انه انت ممنوع تدخل وعلى أي اساس وممنوع ومن هالحكي … اتفقنا انه يركب السبورة بالشارع ومستخدمات المدرسة يدخلوها ( يعني حل مريح للطرفين) 

الساعه بالضبط كانت 8.35 لما بلشت التدريب.

حالتي النفسية ( مرعوووبة) 

حالتي الفكرية ( مستيقظه تماااما) 

أدوات التدريب ( في كامل الجاهزية) 

بدأت التدريب  ساعة ونصف بعدين أخذنا استراحة لمدة ربع ساعة تقريبا ارتحت فيها من الحكي شوي واتعرفت على المعلمات ( اه صح نسيت احكي انه انا بعطي دورات تدريبية لمعلمات وموجهات واداريات التربية والتعليم، يعني بعلم المعلمات وماااصعبها من مهمة) خلصت الاستراحة ورجعنا للتدريب الوقت المحدد للتدريب كان 4 ساعات يعني انتهى الساعه 12.30 على سلام ودعتهم طبعا بعد كم هائل من الأسئلة والأجوبة والاستفسارات وأكيد أخذوا رقمي والايميل ….الخ ليتواصلوا معي!!

صحيح أن الطريق كانت متعبة جدا إلا انه في اخراليوم حسيت بطعم التعب والراحة والانبساط بعد كم هائل من التشكرات والرسائل المادحة لي ولطريقتي في التدريب ( أنا نفسي ماكنت أتوقع اني اصير اعطي دورات تدريبية)                                                                                                                                                                                                                                                      

الرحلة لم تنتهي بعد ،،، بنفس المنطقة عندي تدريب ثاني يوم ،تركت أغراضي وتوجهت للرياض شمالاً…!! يعني مغامرتي لسه اليوم بدأت مغامرة استمرت لمدة 6 أشهر:)  

 باقي الايام سأسردها لكم إذا شفت تعليقات انه يلا استمري بالكتابة  

طبعا أكيد كمت أخذ صورة  تقريبا لكل مكان ذهبت اليه رح انزل الصور مع كل مقال خاص بالمدينة ( النقط الحمراء هي للمدن التي زرتها  وتم التقاط الصور فيها)

4 آيفون VS جالاكسي 2

قبل فترة قصيرة لم يكن في السوق منافس للآيفون المقدم من شركة آبل أحد فقد كانت المكتسح الوحيد لهذا المجال وهذه النوعية من الهواتف النقالة أما من ما يقارب 3 أسابيع أو أكثر قليلا أصدرت شركة سامسونج المفاجئة الكبرى التي كانت للبعض حلا رائعاً وبديلا عن الآيفون ألا وهو سلسلة هواتف سامسونج (جالاكسي 2 ) التي تقريبا قد تكون مساوية للآيفون بل قد تفوقت عليه ببعض الخصائص، خاصة من ناحية السعر ونسبة المبيعات وبعض الخصائص الفنية التي سنتطرق لها اليوم.

مثل ما معظم الناس تعلم أن شركة آبل لها تاريخ طويل في الصناعة التكنولوجية من أجهزة حاسب محمولة ومكتبة والآيباد و الآيفون كهاتف نقال والتي قد كان آخر إصدار لها هو آيفون 4 وهناك بعض الإشاعات تقول أن آيفون 5 سيصدر في شهر سبتمبر القادم ولم يتم تأكيد هذه الإشاعات للآن . أما عن شركة سامسونج فهي شركة لا بأس بها من حيث الصناعة المتطورة ومنذ فترة قليلة أحدثت الطفرة في إنتاج هاتف جالاكسي 2 الذي في أقل من شهر على إصداره في جميع دول العالم إلا الولايات المتحدة الأمريكية فقد تم بيع أكثر من 6 ملايين جهاز نقال والذي يتوقع أن يتم بيع أكثر 16 مليون جهاز في أقل من سنة على إصداره.

ننتقل الآن للمقارنة بين الجهازين العملاقين كما أسلفنا من قبل من جميع النواحي التقنية والاستخدام ودعم التطبيقات.

المقارنات التي في الأعلى تمت من قبل الشركات أما بعض تعليقات المستخدمين لم يتم إحصائها تماما نظراً لحداثة عهد الجالاكسي، بعض منها مايلي:

1- بعض من مستخدمي الآيفون قد أبدوا انزعاجهم من ثقل وزن الجهاز حيث أن الإصدار القديم كان اخف وزناً وهذه كما رأيتم بالجدول إحدى ميزات سامسونج (جالاكسي2).

2- جهار الجالاكسي يسمح للمستخدم فصل البطارية عن الجهاز وهذا ما لايمكنه مستخدم الآيفون عمله.

3- تذمر بعض مستخدمي السامسونج من كبر حجم الجهاز حيث انه اكبر من الآيفون وأصغر من الآيباد

4- مع أن الكاميرا في الجالاكسي هي 8 ميجابيكسل الا انها تفتقر لوجود الفلاش.

5- توفر الإكسسوارات وثبات النظام ودعمها الدائم للغة العربية إحدى الفوائد التي يفضلها المستخدم العربي للآيفون عن جالاكسي 2

6- عدم توفر راديو داخلي في الآيفون إحدى العيوب التي أرادها الكثير من مستخدمي هذا الجهاز

7- طبعا عدم دعم أجهزة الأبل لخاصية الفلاش إحدى أكثر العيوب الموجودة في الآيفون وقد استفادت سامسونج من هذا الشيء

8- أحب عدد من مستخدمي الجالاكسي خاصية المزامنة عن بعد وقابلية تخصص الشاشة الرئيسية والتي لا توجد في الآيفون

9- خاصية دعم تسجيل الفيديو عالي الوضوح موجودة لدى الجالاكسي ما افتقدتها أجهزة الآيفون

طبعاً تبقى حرية الاختيار لكم مفتوحة بين الأجهزة وننتظر من مستخدمي كلا الجهازين بإبلاغنا برأيهم واقتراحاتهم بعد استخدامهم لهذه الأجهزة.

Hello world!

 Well…!!!

This post was suppose to be posted on 25th, Jan,2011 – Few days later after arriving KSA from Jordan.

Well, I’m sure delaying on posting this was for a reason for sure and since I decide to use it I’ll share my 7 months  work experience all over Saudi Arabia  ( pictures ,map locations and whatever I find about it).

Good to have it written to not be forgotten which is Impossible. Ah one more thing there will be someone who will be my partner in this journey my brother Mohammad.

Ok that’s too much for a first post.

its now 2:02 am Amman’s time.